Yeh Jeevan kya hai,
Kuchh ret ke kano ki tarah hai
Door se dekho to ek chadar ki tarah hai
Sahaj, saumya aur suljha hua
Paas ja kar dekho to bas kan hi kan
Jisne bhi aakar chhua, kuchh kan apne saath le gaya
Aur apne kuchh kan mere paas chhod gaya
Is milne bichhadne main jaise saara vyaktitva bikhar gaya
Aur ab mere paas hai bas yahan vahan se mile kan
Yeh kan hain yah meri tvacha
Jo mere nij ko apne andar kuchh aise chhupaye huye hai
Ki swayam se milne ke liye bhi
In kano ko hatakar dekhna padta hai
Of all your poems that I have read, this one is my fav too! :)
ReplyDelete